اسلام آباد ۔ 23 جولائی (اے پی پی)وزیر خزانہ سینیٹر محمد اسحاق ڈار دی صدارت اچ سٹیٹ بنیک کراچی اچ اجلاس تھیا، جیندے اچ میکرو اکنامک صورتحال اتے خاص طور تے مالیاتی شعبے دی کارکردگی اتے آئی ایم ایف دے 12ویں جائزہ اجلاس دیاں تیاریاں دا جائزہ گھدا گیا،جیہڑا جو جولائی 2016ء دے اخیری ہفتے اچ دبئی اچ تھیسی۔ اجلاس دے دوران جون 2016ء کوں مکنڑ آلی سہ ماہی دے دوران مالیاتی شعبے دی کارکردگی تے غور کیتا گیا۔ ایں دوران زرمبادلہ دے قومی ذخائر 23ارب ڈالر دی ریکارڈ سطح تے پج گئے ۔ وزیر خزانہ ملک دی میکرواکنامک صورتحال تے تسلی دا اظہار کیتا اتے آکھیا جو سارے شعبیاں کوں اصلاحات دے عمل تے کم جاری رکھنڑاں چاہیدے جیہڑاجو گزریل ترائے سالیں توں جاری ہے ۔ اجلاس اچ سٹیٹ بینک دے ڈپٹی گورنر اتے بئے اعلیٰ حکام شرکت کیتی ۔اجلاس دے فوری بعد وفاقی وزیر خزانہ اسحاق ڈار ہک ڈینھ دے نجی دورے تے دبئی کیتے روانہ تھی گئے ۔ او (اج)اتوار کوں ملک واپس آویسن اتے سنوار کوں سٹیٹ بنک حکام دے نال ہک اجلاس دی صدارت کریسن۔
