اسلام آباد ۔ 29 جولائی (اے پی پی) وزیر داخلہ چوہدری نثار علی خان دے حکم تے پاکستان اتے کویت اچ ویزہ معاہدہ معطل کر ڈتا گئیا،جمعہ کوں وزارت داخلہ ولوں جاری بیان دے مطابق 2013ء اچ طے پاونڑ آلے ایں معاہدے دے تحت سفارتی اتے سرکاری پاسپورٹ دے حامل بندیاں کوں ڈو پاسہ بنیاداں تے آمدورفت سانگے ویزہ دے حصول دی شرط توں استثنیٰ حاصل ہا۔پاکستان ولوں معاہدہ دی پوری پاسداری دے باوجود کویت ولوں معاہدے دی پاسداری کائنا کیتی ویندی پئی ہئی۔ایجھے معاہدیاں تے عملدرآمد سانگے ڈو پاسہ ہوونڑ لازمی اے۔
