پاکستان اتے انگلینڈ وچال ڈوجھا ٹیسٹ جمعے کوں شروع تھیسی

مانچسٹر ۔ 20 جولائی (اے پی پی) پاکستان اتے انگلینڈ دیاں کرکٹ ٹیماں وچال سیریز دا ڈوجھا ٹیسٹ جمعہ کوں اولڈ ٹریفورڈ، مانچسٹر وچ شروع تھیسی۔ مہمان ٹیم پاکستان کوں چار میچاں دی سیریز وچ 1-0 دی برتری حاصل ہے۔ لارڈز وچ کھیڈے گئے پہلے ٹیسٹ میچ وچ پاکستانی ٹیم انگلینڈ کوں 75 اسکوراں دے مارجن نال ہرا تے تریخی کامیابی حاصل کیتی۔ واضح رہوے جو ڈوہائیں ٹیماں وچال تریجھا ٹیسٹ 3 توں 7 اگست تائیں برمنگھم وچ کھیڈیا ویسی جڈانجو چوتھا اتے چھیکڑی ٹیسٹ میچ 11 توں 15 اگست تائیں لندن وچ کھیڈیاویسی۔ پنج ون ڈے میچاں دی سیریز دا پہلا میچ 24 اگست کوں ساﺅتھمپٹن وچ کھیڈیا ویسی، ڈوجھاون ڈے میچ 27 اگست کوں لارڈز وچ کھیڈیا ویسی، تریجھاون ڈے 30 اگست کوں نوٹنگھم وچ کھیڈیا ویسی، چوتھا ون ڈے یکم ستمبر کوں ہیڈ نگلے وچ کھیڈیاویسی اتے پنجواں اتے چھیکڑی ون ڈے کرکٹ میچ 4 ستمبر کوں کارڈف وچ کھیڈیاویسی۔ سیریز دا ہک ٹی ٹونٹی میچ7 ستمبر کوں مانچسٹر وچ کھیڈیا ویسی۔ قومی کرکٹ ٹیم دورہ دے دوران آئرلینڈ دے خلاف وی ڈو ون ڈے میچ کھیڈسی، پہلا ون ڈے میچ 18 اگست کو ںآئرلینڈ دے خلاف ڈبلن وچ کھیڈیا ویسی اتے ڈوجھا ون ڈے میچ 20 اگست کوں ڈبلن وچ ای کھیڈیا ویسی۔ آئی سی سی دی عالمی ٹیسٹ ٹیم رینکنگ وچ ایجھے ویلھے آسٹریلیا 118 پوائنٹس نال پہلے نمبر تے ہے، بھارت 112 پوائنٹس دے نال ڈوجھے، پاکستانی ٹیم 111 پوائنٹس دے نال تریجھے نمبر تے ہے جڈانجو چوتھے نمبر تے موجود انگلینڈ دے 108 پوائنٹس ہن۔ انگلینڈ دے خلاف تھیونڑ آلی ٹیسٹ سیریز وچ3-0 یا 4-0 نال کامیابی دی صورت وچ پاکستانی ٹیم نمبر ون رینکنگ حاصل کرسگدی ہے۔ پاکستان اتے انگلینڈ وچال سیریز دے ممکنہ نتائج اتے پوائنٹس دی صورتحال کجھ ایجھی ہو سی اگر پاکستانی ٹیم سیریز وچ 4-0 یا 3-0 توں کامیابی حاصل کریندی ہے تاں ایندے پوائنٹس بالترتیب 119 اتے 121 تھی ویسن اتے ا وہ آسٹریلیا کوں پیچھوں چھوڑ تے عالمی نمبر ہک بنڑ ویسی اتے ایندے نال گرین شرٹس کنوں عالمی درجہ بندی وچ پہلی پوزیشن حاصل کرنڑ داچنگاموقع ہے ۔