اسلام آباد ۔ 28 جولائی(اے پی پی) وفاقی وزیر ریلوے خواجہ سعد رفیق آکھیا جو پاکستان ریلویز امریکہ توں 55ریل انجن مُل گھندا پئے ،2008ء توں ہنڑ تئیں ریلویز 63ریلوے انجن باہرلے ملکوں گھدن،ریلویز دے 440انجناں اچوں 172ناقابل مرمت اتے ناقص ہن۔خمیس کوں ایوان بالا دے اجلاس اچ سوالاں دے وقفے اچ عتیق شیخ دے سوال دے جواب اچ انہاںڈسایا جو پاکستان ریلویز دے 86فیصد پُل 100سال توں وی ودھ پرانڑے ہن ۔انہاں کوں بہتر بنڑاونڑ سانگے باقاعدہ کم کیتا ویندے ۔سینیٹر احمد حسن دے سوال دے جواب اچ انہاں ڈسایا جو پاکستان ریلویز مسابقتی بولی دے طریقہ کار دی تکمیل دے بعد 55ریلوے انجن امریکہ توں گھندا پئے ۔ایں مقصد سانگے ریلویز میسرز جنرل الیکٹرک (جی ای) امریکہ نال 20جون2015ء کوں ڈولکھ13ہزار689ملین روپے مالیت دے معاہدے تے دستخظ کیتن ۔اے انجن جنوری 2017ء توں جولائی 2017ء تئیں ریلوے دے حوالے کر ڈتے گئن ۔
