پیرس ۔ 11 جولائی (اے پی پی) پرتگال میزبان ٹیم فرانس کوں 1-0 نال شکست ڈے تے یورو کپ 2016 دا ٹائٹل جیت گھدا، جتنڑآلی ٹیم ولوں ایڈر ایکسٹرا ٹائم وچ گول کرتے اپنڑی ٹیم کوں چیمپئن بنڑوایا، پرتگال پہلی واری یورو کپ دا ٹائٹل اپنڑے ناں کیتا ہے۔ تفصیلات دے مطابق پیرس دے سٹیڈ ڈی فرانس دے میدان وچ کھیڈے گئے ایں فائنل وچ ڈوہائیں ٹیماں وچال کانٹے دا مقابلہ تھیا، مقررہ 90 منٹ تائیں ڈوہائیں ٹیماں گول کرنڑ دیاں سرتروڑ کوششاں کیتیاں پرڈوہائیں ٹیماں ولوںدفاعی کھلاڑیاں اتے گول کیپرز چنگا کھیڈ پیش کرتے گول نہ تھیونڑ ڈتا۔ پرتگال دے کپتان اتے سٹار فٹ بالر کرسٹیانو رونالڈو انجری دی وجہ نال 24 ویں منٹ وچ میدان توں باہر چلے گئے۔ ودھ ٹائم دے 19 ویں منٹ وچ پرتگال دے سٹرائیکر ایڈر 25 میٹر توں ہک شاندار کک لا تے گیند فرانس دے گول دے کھبے پاسے مار ڈتی، ایندے نال پرتگال نہ صرف واری یورپی چیمپئن بنڑیابلکہ فٹ بال دا کوئی وڈا ٹورنامنٹ جیتنڑ وچ کامیاب وی تھی گیا۔
