اسلام آباد ۔21 جولائی(اے پی پی ) وزیر مملکت برائے تعلیم و تربیت انجینئر بلیغ الرحمان آکھے جو پیشہ وارانہ تربیت دے اداریاں اچ وزیراعظم دے خصوصی پروگرام دے تحت پہلے 25 ہزار لوکیں کوں تربیت ڈتی ویندی ہئی ہنڑ اے تعداد ودھا تے 50 ہزار کرڈتی گئی ہے ، پیشہ وارانہ تربیت دے پروگراماں اچ تریمیتں کیتے وی پروگرام شامل کیتے گئے ہن ۔ خمیس کوں ایوان بالا دے اجلاس اچ سوالات دے وقفے اچ سینیٹر عتیق شیخ’ کلثوم پروین دے سوالیں دے جواب اچ وزیر مملکت برائے تعلیم و تربیت انجینئر بلیغ الرحمان ایوان کوں اے گالہیں ڈسایاں۔ انہاں آکھیا جو بلوچستان اچ پہلے ڈو ہزار بالیں کوں تربیت ڈتی ویندی پئی ہئی ہنڑ انہاں دی تعداد چارہزار کرڈتی گئی ہے ۔ انہاں آکھیاجو پہلے مختصر مدت دے پروگرام دا عرصہ ترائے مہینے ہئی ہنڑ ایں کوں ودھا تے 6 مہینے کرڈتا گئے ۔
