اسلام آباد ۔ 13 جولائی (اے پی پی)نیشنل ڈیزاسٹر مینجمنٹ اتھارٹی چترال دے سیلاب متاثرین وچ 30 ٹن اٹے دے تھیلے تقسیم کیتے۔ این ڈی ایم اے ولوں جاری اعداد و شمار دے مطابق چترال دے سیلاب وچ 21 بندے جاں بحق اتے 4زخمی تھئے جڈانجو8بندے حالی تائیں لاپتہ ہن۔ سیلاباں نال مجموعی طورتے 55مکانان کوں نقصان پجیا جنہاں وچوں 20مکمل طور تے تباہ تھی گئے۔ دریں اثناءضلعی انتظامیہ اتے فوجی اہلکار علاقے وچ ریلیف اتے ریسکیو آپریشن وچ مصروف ہن۔ خیبرپختونخوا وچ ڈیزاسٹرمینجمنٹ داادارہ پی ڈی ایم اے ساری صورتحال دی نگرانی کریندا پئے۔ علاوہ ازیں چیئرمین این ڈی ایم اے میجر جنرل اصغرنواز متاثرہ علاقیاں وچ ریسکیو اتے ریلیف دیاں سرگرمیاں دا جائزہ گھنڑ سانگے چترال دا دورہ کیتا ہے۔ انہاںمقامی انتظامیہ اتے صوبائی اداریاں دے افسراںدے نال ہک اجلاس داوی انعقاد کیتا۔ این ڈی ایم اے سیلاب توں متعلق معلومات اتے مانیٹرنگ سانگے نیشنل ایمرجنسی آپریشنز سنٹر وی قائم کیتا ہے۔ سیلاب متاثرین مدد سانگے فون نمبراں111 157 157اور 051-920503تے رابطہ کر سگدے ہن ۔
