اسلام آباد ۔ 28 جولائی(اے پی پی) چیئرمین سینٹ سینیٹر میاں رضا ربانی پارلیمان دی سانجھی پبلک اکائونٹس کمیٹی بنڑاونڑ بارے وزیر خزانہ سینیٹر اسحاق ڈار دیاں کوششاں کوں خراج تحسین پیش کریندے ہوئیں آکھے جو پبلک اکائونٹس کمیٹی اچ سینیٹرز کوں نمائندگی ملنڑ تریخی کامیابی ہے جڈانجو قائد ایوان سینیٹر راجہ ظفر الحق آکھے جو اے معاملہ پیار محبت نال حل تھیونڑ دے مبارخ ڈینداں ہاں۔ خمیس کوں ایوان بالا اچ پبلک اکائونٹس کمیٹی اچ سینیٹرز کوں نامزدگی ملنڑ دی تحریک دی منظوری دے موقعے تے الیندے ہوئیں چیئرمین سینٹ میاں رضا ربانی آکھیا جو وزیر خزانہ سینیٹر اسحاق ڈار پارلیمان دی سانجھی پبلک اکائونٹس کمیٹی بارے بہوں ودھ کوششاں کیتیاں ہن ۔اے تریخی موقع ہے جو 18ویں ترمیم دی روشنی اچ پبلک اکائونٹس کمیٹی اچ سینیٹرز کوں نمائندگی ملدی پئی ہے ۔ انہاں آکھیا جو ہائوس بزنس ایڈوائزری کمیٹی ایں معاملے کوں ایجنڈے تے گھن آونڑ دی اجازت ڈتی ہوئی ہے ۔
