اسلام آباد ۔ 28 جولائی (اے پی پی) وفاقی وزیر اطلاعات، نشریات تے قومی ورثہ سینیٹر پرویز رشید آکھیا جو کشمیر دی آزادی پاکستان دے ہر بندے دی اولین دلی خواہش اے،مسئلہ کشمیر تے حکومت دا موقف پاکستان دی عوام دی ترجمانی کریندے ،پاکستان کشمیریاں دی سفارتی ،سیاسی اتے اخلاقی حمایت جاری رکھیسی،وزیر اعظم دی کشمیر سانگے ساریاں توں ودھ قربانیاں ہن ،واجپائی کوں لاہور آونڑ اتے بھارت کوں مسئلہ کشمیر حل کرنڑ سانگے آمادہ کرنڑ آلے نواز شریف ہن ،واجپائی دے منہ توں کھڈواونڑ جو 99ء دا سال مسئلہ کشمیر دے حل دا سال اے ،وڈی کامیابی ہئی پر نواز شریف کوں انتقام دا نشانہ بنڑایا گئیا اتے انہاں دے ہتھاں اچ ہتھکڑیاں لاتی گئی،آمریتاں یکا کشمیر دے مسئلے کوں پچھوں رکھیا،پاکستان کشمیر دے مسئلے دا فریق وی اے اتے وکیل وی،وزیر اعظم پاکستان کوں مقدمہ کشمیر لڑنڑ سانگے مضبوط عمل بنڑاونڑ دے عمل اچ مصروف ہن ،نواز شریف دی قیادت اچ ملک پستی توں ترقی آلے پاسے ٹردا پئے ،مضبوط ،پر امن اتے خوشحال پاکستان مسئلہ کشمیر دے حل سانگے ضروری اے،جڈاں تئیں کشمیر دی آزادی دا سورج نی نکلدا اساں کشمیریاں دی حمایت جاری رکھیسوں۔اے گالھیں انہاں ڈسٹرکٹ بار ایسوسی ایشن دے اہتمام نال ”مسئلہ کشمیر دے حل اتے بھارتی دہشت گردی دے سد باب سانگے دنیا دا کردار دے موضوع تے سیمینار نال خطاب کریندیں ہوئیں آکھی۔
