ہک ہنر ہک نگر منصوبے دا مقصد دیہی مرد تے تریمتاں‘ ہنرمنداں‘ دستکاراں تے غریب لوکاں کوں کاروبار دی ترقی دی خدمت تئیں رسائی ڈیونڑ ہے ، شیخ آفتاب احمد

اسلام آباد ۔ 22 جولائی(اے پی پی)وفاقی وزیر پارلیمانی امور شیخ آفتاب احمد آکھیا ہے جو ہک ہنر ہک نگر منصوبے دا مقصد دیہی مرد تے تریمتاں‘ ہنرمنداں‘ دستکاراں تے غریب لوکاں کوں کاروبار دی ترقی دی خدمت تئیں رسائی ڈیونڑ ہے۔ جمعہ کو ںایوان بالادے اجلاس اچ وقفہ سوالات دے دوران سینیٹر احمد حسن‘ سینیٹر نزہت صادق تے سینیٹر شبلی فرازدے سوالاں دے جواب اچ وفاقی وزیر پارلیمانی امورایوان کوں ڈسایا جو حکومت 2000اچ ہک ہنر ہک نگر دے ناں تے ہک منصوبہ شروع کیتا ہے ایندے نال تریمتاں دی چنگی حوصلہ افزائی کیتی ویندی ہے ۔انہاں آکھیا جو ایں منصوبے دا مقصد دیہی مرد تے تریمتاں ،دستکاراں تے غریب لوکاں کوں کاروباردی ترقی دیاں خذمتاں تئیں رسائی ڈیونڑ ہے ۔