فرانس ۔ 4 جولائی (اے پی پی) یورو کپ 2016 دی سیمی فائنل لائن اپ پوری تھی گی ، میزبان فرانس، ورلڈ چیمپئن جرمنی، پرتگال تے ویلز فائنل فور اچ جاہ بنڑا گھدی ہے ۔ تفصیل دے مطابق یورو فٹ بال ٹورنامنٹ دے کانٹے دا مقابلے جاری ہن ، کوارٹر فائنل مرحلہ پورا تھیونڑ دے بعد فرانس، جرمنی، پرتگال تے ویلز سیمی فائنل سانگے کوالیفائی کرگھدا ہے، میگا ایونٹ دا پہلا سیمی فائنل (کل) بدھ کوں پرتگال تے ویلز دیاں ٹیماں وچال سٹیڈ ڈی لیون اچ کھیڈیا ویسی ، ویلز پہلی دفعہ کہیں وڈے ٹورنامنٹ دے سیمی فائنل تئیں رسائی گھدی ہے ایں لحاظ نال پرتگال کوں فیورٹ قرارڈتا گیا ہے۔ ٹورنامنٹ ڈا ڈوجھا سیمی فائنل ڈو وڈیاں ٹیماں جرمنی تے فرانس وچال 7 جولائی کوں مارسیلی اچ تھیسی، جرمنی دی ٹیم عالمی چیمپئن ہے جڈاں جو فرنچ ٹیم دا شمار دنیا دیاں مضبوط ٹیماں اچ تھیندا ہے ،ڈوہیں ٹیماں وچال دلچسپ مقابلے دی توقع ہے ۔
