یورپی یونین توں انخلا دی کوئی جلدی کائنی، تھریسا مے

لندن۔ 14 جولائی (اے پی پی) برطانیہ دی نویں وزیر اعظم تھریسا مے جرمنی اتے فرانس دے رہنماواں کوں آکھیا اے جو اوہ برطانیہ دے یورپی یونین توں انخلا دے عمل وچ جلد بازی کائناں کریسن۔ جرمن خبر رساں ادارے دے طابق جرمن چانسلر انجیلا میرکل اتے فرانسیسی صدر فرانسوا اولاند نال ٹیلی فون تے گالھ مہاڑ کریندے ہوئیں تھریسا مے آکھیا جو ایں حوالے نال مذاکرات دا آغاز کرنڑ سانگے انہاں دی حکومت کوں کجھ وقت درکار ہو سی۔ بریگزٹ دے تناظر وچ ڈیوڈ کیمرون دے استعفے دے بعد سابق وزیر داخلہ تھریسا مے گزریل ڈینھ برطانوی وزیر اعظم دا عہدہ سانبھیا۔