7 ملکاں دی آندے سال بھارت اچ تھیونڑ آلے ورلڈ بلائنڈ ٹی 20 کپ اچ شرکت دی تصدیق

اسلام آباد ۔ 20 جولائی (اے پی پی) آندے سال بھارت اچ تھیونڑ آلے ورلڈ ٹی 20 کپ سانگے 7 ملکاں شرکت دی تصدیق کر ڈتی ہے ۔پاکستان بلائنڈ کرکٹ کونسل دے چیئرمین تے ورلڈ بلائنڈ کرکٹ کونسل دے صدر سید سلطان شاہ اے پی پی کو ں ڈسایا جو ورلڈ بلائنڈ کرکٹ کونسل ورلڈ ٹی 20 کرکٹ کپ سانگے 10ملکاں کوں دعوت نامے بھیجے ہن جیں اچوں 7ملکاں شرکت دی تصدیق کر ڈتی ہے انہاں اچ پاکستان‘ بھارت‘ آسٹریلیا‘ انگلینڈ‘ بنگلہ دیش‘ سری لنکا تے نیپال شرکت دی تصدیق کر ڈتی ہے جڈاں جوویسٹ انڈیز‘ جنوبی افریقہ تے نیوزی لینڈ حالی تئیں شرکت دی تصدیق کائنی کیتی ‘ امید ہے جو ہنڑ وی وختی ورلڈ کپ اچ شرکت دی تصدیق کریسن۔ واضح رہے ورلڈ ٹی 20 کپ آندے سال جنوری اچ بھارت اچ کھیڈیا ویسی۔