اسلام آباد ۔ 22 جولائی(اے پی پی)وفاقی وزیر قانون زاہد حامدآکھیا جو 9020 لوکاں رضاکارانہ ٹیکس سکیم دے تحت 85 کروڑ روپے جمع کرائے ہن‘ بجٹ اچ ٹیکس وصولی ودھاونڑ سانگے اقدا مات تجویز کیتے گے ہن انہاں ٹیکس وصولی ودھاونڑ اچ مدد ملسی ۔جمعے کوں ایوان بالا دے اجلاس اچ سوالاں دے وقفے دے دوان سینیٹر محسن لغاری تے سینیٹر نعمان وزیر دے سوالاں دے جواب اچ وفاقی وزیر قنون ایوان کوں ڈسایا جو حکومت رضاکارانہ ٹیکس سکیم متعارف کرائی تاں جو ٹیکس وصولی ودھائی ونج سگے ۔ہنڑ تئیں 9020لوکاں سکیم دے تحت بقایا رقماں جمع کرایاں تے 85کروڑ روپے ایندے تحت جمع تھے ہن ۔انہاں ڈسیا جو ایں سکیم اچ اشتہاری مہم تے 6کروڑ ڈاہ لکھ روپے خر چ کیتے گے ہن ۔ایندا دائرہ کار ودھاونڑ سانگے اقدامات کیتے ویندے پن ۔
