اسلام آباد ۔ 31 اگست (اے پی پی) وفاقی وزیر منصوبہ بندی و ترقی تے اصلاحات پروفیسر احسن اقبال آکھیا ہے جو پاک چین اقتصادی راہداری منصوبہ گلگت بلتستان سمیت پورے ملک دے سارے علاقیں کوں ہکو جہا فائدہ تھیسی ،سی پیک حقیقت اچ پاکستان سانگے گیم چینجر ہے ،دشمن اقتصادی راہداری کوں ضیان نی پجا سگدا ،ملک دے 20کروڑ عوام ایندی حفاظت کریسن ،انہاں خیالاں دا اظہار انہاں بدھ کوں گلگت بلتستان حکومت تے قراقرم انٹرنیشنل یونیورسٹی دے اہتمام نال سی پیک سیمینار توں خطاب کریندے ہوئیں کیتا ۔وفاقی وزیر ؤکھیا جو سیمینار کراونڑ تے گلگت دی حکومت تے یونیورسٹی دی انتظامیہ مبارخ باد دے حق دار ہن اج اقتصادی راہداری تے ملکی نظام کوں کوئی وی خطر ہ کائنی ،سی پیک حقیقت اچ پاکستان سانگے ہک گیم چینجر ہے جیں نال خطے دے 3ارب لوکاں کوں فائدہ تھیسی ۔انہاں آکھیا جو سی پیک منصوبے نال پاکستان سمیت خطے اچ غربت ،بیروزگاری دا خاتمہ تھیسی اتے روزگار دے نویں موقع وی پیدا تھیسن ۔انہاں آکھیا جو سی پیک دے خلاف جیرھے لوک سازشاں کریندے ہن انہاں دے عزائم ناکام تھیسن اتے دشمن کوں ڈساونڑ چاہنداہاں جو ایں منصوبے کوں کہیں دا پیو وی نی روک سگدا تے نہ ہی ضیان پجا سگدا ہے ۔انہاں آکھیا جو ایں منصوبے دے پورے تھیونڑ نال پاکستانی تاجر چین اچ نویاں منڈیا ں گولیسن ۔