نیویارک ۔ 30 اگست (اے پی پی) امریکا، یورپ اتے ایشیائی منڈیاں وچ سونے دیاں قیمتاں وچ گھٹکی تھئی ہے جیندی وجہ امریکی فیڈرل ریزرو ولوں قرضیاں تے سود دی شرح وچ وختی ودھارے دا عندیہ اتے ڈالر دی شرح تبادلہ وچ گھٹکی ہے۔نیویارک مارکیٹ وچ ڈو پہردے بعد سپاٹ گولڈ دیاں قیمتاں 1324.41 ڈالر فی اونس رہیاں۔امریکی سونے دے دسمبر سانگے سودے 0.09 فیصد ودھ تے 1327.10 ڈالر فی اونس رہے۔یورپی مارکیٹ وچ وی سونے دیاںقیمتاں 5 ہفتیاں دی گھٹ ترین سطح تے رہیاں۔لندن مارکیٹ وچ سپاٹ گولڈ دیاںقیمتاں 0.1 فیصد گھٹ تھی تے 1319.80 ڈالر فی اونس رہیاں۔امریکی سونے دے دسمبر سانگے سودے 2.60 ڈالر گھٹ تھی تے 1323.30 ڈالر فی اونس رہے۔ایشین مارکیٹ وچ سونے دیاں قیمتاں 0.21 فیصد گھٹ تھی تے 1318.06 ڈالر فی اونس رہیاں۔امریکی سونے دے سودے 0.35 فیصد ڈھونڑ دے بعد 1321.20 ڈالر فی اونس طے پائے۔