جامشوروو چ ٹر یفک حادثے دے نتیجے وچ 12 مسافر جاں بحق، 40 زخمی

اسلام آباد ۔ 2 اگست (اے پی پی) جامشورو دے علاقے وچ مسافر بس اتے ٹرک وچال ٹکر پاروں 12 مسافر جاں بحق اتے 40 زخمی تھی گئے۔ پی ٹی وی دی رپورٹ مطابق صوبہ سندھ دے ضلع جامشورو وچ سیہون روڈ تے ٹول پلازہ اتے تھرمل پاور اسٹیشن دے نیڑے مسافر بس تکھی رفتارپاروں بئے پاسے کھڑے ہوئے ٹرک وچ ونج ٹکرائی جیںدے نتیجے وچ 12 مسافرموقع تے جاں بحق جڈانجو 40زخمی تھی گن۔ریسکیو ذرائع دے مطابق ریسکیو اہلکاراں زخمیاںکوں لیاقت یونیورسٹی ہسپتال منتقل کرڈتا ہے ۔ زخمیاں وچ تریمتاں اتے بال وی شامل ہن۔ ہسپتال ذرائع دے مطابق زخمیاں وچوں ودھ ساریاں دی حالت تشویشناک ہے جیندی وجہ نال ہلاکتاں وچ ودھارے دا ڈر ہے۔ پولیس دے مطابق بس ڈیرہ اسماعیل خان توں کراچی ویندی پئی ہائی۔