ریلوے آن لائن ٹکٹنگ دے سلسلے کوں مزید ودھا ڈتا ٹکٹ دی انٹر نیٹ یا موبائل دے ذریعے بکنگ ،رقم دی ادائیگی کریڈٹ کارڈ ،ڈیبٹ کارڈ ،موبائل بینکنگ اکاﺅنٹس اتے یو بی ایل او منی دے ذریعے کیتی ویسی

اسلام آباد ۔ 29 اگست (اے پی پی) پاکستان ریلوےز مسافراں دی سہولت سانگے آن لائن ٹکٹنگ دے سلسلے کوں مزید ودھا ڈتا جڈاں جو ای ٹکٹنگ دا نظام شروع کرنڑ سانگے وی ہنڑے ہی ہک معاہدے تے دستخط کیتے گے ہن ۔ریلوے حکام دے مطابق پاکستان ریلوے تے یو بی ایل وال تھیونڑ آلے ای ٹکٹنگ دے معاہدے دے تحت مسافراں کوں اپنڑی ٹکٹ انٹر نیٹ یا موبائل فون دے ذریعے بک کروا سگسن ۔رقم دی ادائیگی سانگے کریڈٹ کارڈ ،ڈیبٹ کارڈ ،موبائل بینکنگ اکاﺅنٹس اتے یوبی ایل اومنی دے ذریعے کیتی ویسی ۔ای ٹکٹنگ دے نظام نال جتھاں عوام کوں سہولتاں ملسن اتھاں بلیک ٹکٹنگ توں وی جان چھٹ ویسی ۔ٹکٹ بک کراونڑ تے اوندی رقم دی ادائیگی دے بعد پاکستان ریلوے ولوں تصدیقی میسج مسافر کوں ملسی جیں تے بک کیتی گی ٹکٹ نمبر کوچ نمبر سیٹ نمبر ، مسافر دا شناختی کارڈ نمبر ، گاڈی چلنڑ دی تاریخ اتے ویلھا درج ہوسی ایں طرح ریلوے مسافراں کوں کہیں کاغذی ٹکٹ یا رسید دی ضرورت کائناں ہوسی ۔میسج ہی گاڈی دا ٹکٹ ہوسی