اسلام آباد ۔ 26 اگست (اے پی پی) آل پاکستان ٹیکسٹائل ملز ایسوسی ایشن ( اپٹما) سیلز ٹیکس ریفنڈ دی ادائیگی دے حکومتی فیصلے دی تعریف کیتی ہے۔ اپٹما دے چیئرمین طارق سعید اپنڑے ہک بیان وچ آکھیا ہے جو وزیر اعظم محمد نواز شریف اتے وفاقی وزیر خزانہ سینیٹر محمد اسحاق ڈار 21.44 ارب روپے دے سیلز ٹیکس ریفنڈز بھرنڑ سانگے چنگے اقدامات کیتے ہن جیندے نال برآمدی صنعت کو ںسرمائے دی گھٹکی دے درپیش مسئلے مکاونڑ وچ مدد ملسی۔ انہاں حکومتی اقدام دی تعریف کریندے ہوئیں آکھیا جو 30 جون 2016ءتئیں جاری ہونڑ آلے پی آر اوز دی ادئیگی دے حوالے نال وزیر اعظم 15 اکتوبر 2016ءتئیں ادائیگی دا عزم ظاہر کیتا ہے جیرھا جو خوش آئندہے ۔ انہاں آکھیا جو سیلز ٹیکس ریفنڈ دی وختی ادائیگیاں نال صنعتی ترقی وچ مدد ملسی اتے ایندے نال قومی معیشت دی ترقی دے اہداف دے حصول کوں وی یقینی بنڑایا ونج جا سگسی ۔