وزیراعلیٰ سندھ سیّد مراد علی شاہ دی وفاقی وزیر پانڑی تے بجلی خواجہ آصف نال ملاقات

اسلام آباد ۔ 30 اگست (اے پی پی) وفاقی حکومت ولوں سندھ کوں بجلی دی لمبی لوڈشیڈنگ بارے شکایات دور کرنڑ دی یقین دہانی کروائی اے جڈانجو ،صوبے دے ذمہ واجبات دی ادائیگی دا معاملہ جلدی حل کرنڑ تے اتفاق کیتا گئے ۔منگل کوں اتھاں وزیراعلیٰ سندھ سیّد مراد علی شاہ ،وفاقی وزیر پانڑی تے بجلی خواجہ آصف نال ملاقات کیتی اتے انہاں نال سندھ اچ بجلی دی صورتحال اتے لوڈشیڈنگ بارے مختلف معاملیاں تے گالھ مہاڑ کیتی گئی ۔بعد اچ صحافیاں نال گالھ مہاڑ کریندیں ہوئیں وفاقی وزیر پانڑی تے بجلی خواجہ آصف آکھیا جو سندھ اچ لوڈشیڈنگ دی شکایات دا ازالہ کریسن۔انہاں آکھیا جو صوبہ کوں درپیش مسئلیاں آندے ڈو ترائے ڈینھ اچ حل کر گھدے ویسن۔ایں موقع تے وزیر اعلیٰ سندھ آکھیا جو ملاقات بہوں چنگی رہی اے۔صوبائی حکومت آندے 2سالیں اچ 800توں ہک ہزار میگاواٹ بجلی پیدا کرنڑ سانگے قابل تجدید توانائی دے وسائل استعمال کریسن۔