پاکستان تے بنگلہ دیش وچال برادرانہ تعلقات ہن ،ڈوہیں ملکاں کوں پچھلیاں گالھیں بھلا کراہیں اگی تے ودھنڑاں ہوسی ،صدر مملکت ممنون حسین دی بنگلہ دیش سانگے نامزد سفیر رفیع الزماں صدیقی نال ملا قات اچ گالھ مہاڑ

اسلام آباد ۔ 29 اگست (اے پی پی) صدر مملکت ممنون حسین آکھیا ہے جو پاکستان دے بنگلہ دیش دے نال بھرپی دے تعلقات ہن اتے پاکستان سارے ہمسایہ ملکاں دے نال دوستانہ تعلقات چاہندا ہے ،انہاں اے گالھ خمیس کوں اتھاں ایوان صدر اچ پاکستان اچ بنگلہ دیش دے نویں سفیر رفیع الزماں صدیقی نال گالھ مہاڑ کریندے ہوئیں آکھی ۔صدر مملکت نامزد سفیر تے زور ڈتا جو بنگلہ دیش نال تعلقات اچ مزید چنگاں کرنڑ سانگے پچھلیاں گالھیں بھلا تے اگی تے ودھنڑ اں ہوسی جیرھا جو آونڑ آلے ویلھے اچ بہوں ضروری ہے ایں سلسلے اچ پارلیمانی تے عوامی رابطے کوں ودھاونڑاں چاہیدا ہے ۔صدر مملکت آکھیا جو بنگلہ دیش دے نال تجارت کوں ودھاونڑ دی ودھ ساری ضرورت ہے تاں جو سانجھے تعلقات اچ ودھارا تھیوے اتے ڈوہیں ملکاں دے عوام ہک ڈوجھے دے نیڑے آسگن ۔