پاکستان جنوبی ایشیائی خطے دی اقتصادی ترقی تے ممکنہ علاقائی گھٹ جوڑ دے خواب کوں پورا کرنڑ اچ چنگاں کردار ادا کریندا پئے ، سارک دے پلیٹ فارم دے ذریعے علاقے دی ترقی تے یقین رکھیندوں ، پاکستان خطے دے عوام دیاں امیداں کوں پورا کرنڑ سانگے اپنڑاں کردار ادا کریندا رہسی وزیراعظم محمد نواز شریف دا سارک ملکاں دے خزانے دے وزیراں دے اٹھویں اجلاس دی افتتاحی نشست نال خطاب

اسلام آباد ۔ 26 اگست (اے پی پی) وزیراعظم محمد نواز شریف پاکستان جنوبی ایشیائی خطے دی اقتصادی ترقی تے ممکنہ علاقائی گھٹ جوڑ دے خواب کوں پورا کرنڑ اچ چنگاں کردار ادا کریندا پئے۔انہاں اے گالھ جمعے کوں اتھاں مقامی ہوٹل اچ جنوبی ایشیائی تنظیم علاقائی تعاون( سارک) ملکاں دے خرانے دے وزیراں دے اٹھویں اجلاس دی افتتاحی نشست توں خطاب کریندے ہوئیں آکھی ۔وزیراعظم آکھیا جو پاکستان 9تے 10نومبر کوں اسلام آباد اچ 19ویں سارک سربراہ کانفرنس دی میزبانی دا منتظر تے تنظیم کوں اگی تے گھن ونجنڑ چاہندے ۔انہاں آکھیا جو پاکستان سار ک دے پلیٹ فارم دے ذریعے علاقائی ترقی تے یقین رکھیندا ہے کیوں جو علاقے اچ امن سانگے اگی تے ودھنڑ دا رستہ ہے ۔پاکستان خطے دے عوام دیا ں امیداں کوں پورا کرنڑ سانگے ایں ضمن اچ اپنڑں کردار ادا کریندا رہسی ۔وزیراعظم آکھیا جو تنظیم دے پس پردہ سوچ جنوی ایشیا دے عوام دی فلاح بہبود ہے ،خطے اچ بے پناہ انسانی تے قدرتی وسائل ،دنیا دی آبادی دا پنجواں حصہ ایں خطے اچ آباد ہے تے علاقے دی ترقی سانگے دستیاب موقع توں پورا پورا فائدہ چاونڑاں چاہیدا ہے ۔انہاں آکھیا جو تنظیم دا سماجی منشور اگی تے ودھنڑ دا حقیقی رستہ ہے اتے اساڈا ملک ایں ضمن اچ سارک دے سارے اقدامات دی حمایت کریسی ۔انہاں صحت اتے تعلیم دے شعبیں اچ تنظیم دے ودھ سارے کردار دی ضرورت تے زور ڈتا ۔نواز شریف اسلام آباد اچ مندوبین دا خیرمقدم کریندے ہوئیں اے امید ظاہر کیتی جو او تنظیم کوں ودھاونڑ تے چنگاں بنڑاونڑ سانگے فائدے آلیاں سفارشاں پیش کریسن ۔واضح رہے جو وزارتی کانفرنس دے ایجنڈے کوں چھیکڑ ی شکل ڈیونڑ سانگے سار ک ملکاں دے خزانے دے سیکر ٹریاں دا اجلاس خمیس کوں تھیا ۔خزانے دے وزیراں ،سیکر ٹریاں ،متعلقہ سٹیٹ بینکاں دے سربراہ تے سینئر حکام سفارت کاراں تقریب اچ شرکت کیتی ۔وزیر خزانہ اسحاق ڈار مندوبین دا خیرمقدم کریندے ہوئیں خطے دی عوام دی بہتری تے سارک کوں کامیاب علاقائی تنظیم بنڑاونڑ سانگے وسیع ترک ا شتراک کار دیاں کوششاں کوں تقویت ڈیونڑ تے زور ڈتا ۔