دبئی ۔ 4 اگست (اے پی پی) وفاقی وزیر خزانہ سینیٹر اسحاق ڈار آکھیا جو پاکستان اتے آئی ایم ایف وچال 6.4ارب ڈالر دے ترائے سالہ توسیعی فنڈز سہولت پروگرام دے تحت اخیری جائزہ سانگے مذاکرات پورے تھی گئی ،پاکستان ٹیکساں،توانائی،زرعی تے مالیاتی اتے سرکاری شعبے دے کاروباری اداریاں اچ مشکل ڈھانچے جاتی اصلاحات دے نفاذ سانگے پر عزم اے،جون 2016ء دے چھیکڑ تئیں تقریباً سارے اہداف پورے کر گھدے ویسن،مالی سالی 2016ء اچ افراط زر دی شرح 3فیصد توں گھٹ رہی،22جولائی2016ء کوں غیر ملکی زرمبادلہ دے ذخائر 23ارب ڈالر ریکارڈ کیتے گئے۔اے گالھیں انہاں خمیس کوں آئی ایم ایف دے مشن چیف ہرالڈ فنگر دے رلے دبئی اچ سانجھی پریس کانفرنس نال خطاب کریندیں ہوئیں آکھی۔وزیر خزانہ آکھیا جو پاکستان اتے آئی ایم ایف وچال 6.4ارب ڈالر دے ترائے سالہ توسیعی فنڈز سہولت پروگرام دے تحت اخیری جائزہ سانگے مذاکرات پورے تھی گئن ۔انہاں آکھیا جو اے ڈوہیں پاسوں چنگی کاوشاں دا نتیجہ اے۔
