مسلم لیگ(ن) ولوںسابق سفیر مسعود خان ، پاکستان پیپلزپارٹی آزاد کشمیرولوںسابق وزیر چوہدری محمد لطیف اکبرامیدوار نامزد
ایوان اچ مسلم لیگ(ن) کو ں ڈوتہائی دی اکثریت حاصل ، قانون ساز اسمبلی دے 48 ،کشمیرکونسل دے ممبرپنج سال سانگے نواں صدر چنڑسن
اسلام آباد ۔ 15 اگست (اے پی پی) آزاد کشمیردے نویں صدر دی چنڑیج اج منگل کوں تھیسی ۔ آزاد کشمیرقانون ساز اسمبلی دے 48 اتے کشمیرکونسل دے 6ممبراپنڑے ووٹ نال نویں صدر آزاد کشمیردی پنج سال سانگے چنڑیج کریسن ، جموں کشمیر پیپلز پارٹی دے سربراہ سردار خالد ابراہیم خان حالی تئیں رکنیت دا حلف نی چاتا۔ ایں ضمن اچ موجودہ صدر آزادکشمیر سردار محمد یعقوب خان قانون ساز اسمبلی تے کشمیرکونسل دا سانجھا اجلاس مظفرآباد اچ 10وجے طلب کیتا ہے پولنگ 3 وجے تئیں جاری رہسی۔ چیف الیکشن کمشنر جسٹس مصطفی مغل پریذائیڈنگ ا فسر دا فرض پورا کریسن۔ آزاد کشمیردے آندے صدر سانگے مسلم لیگ(ن) ولوںسابق سفیر مسعود خان تے پاکستان پیپلزپارٹی آزاد کشمیرولوں سابق وزیر چوہدری محمد لطیف اکبر کوںامیدوار نامزدکیتا گیا ہے ۔نواں صدر 24اگست کوں اپنڑے عہدے دا حلف چیسی
