اسلام آباد ۔ 31 اگست (اے پی پی)آزاد کشمیر دے نومنتخب صدر مسعود خان دی سپیکر قومی اسمبلی سردار ایاز صادق نال بدھ کوں اتھاں ملاقات کیتی۔ملاقات اچ سپیکر قومی اسمبلی صدر آزاد کشمیر کوں صدر بنڑنڑ تے مبارک ڈتی۔انہاں آکھیا جو کشمیر دا مسئلہ منصفانہ اتے کشمیریاں دی خواہش دے مطابق حل خطہ اچ پائیدار امن دی ضمانت ہوسی جڈانجو کشمیر دے مسئلہ دے پر امن حل سانگے ہر فورم تے حکومت آواز چاتی اے، 196ملکاں دے سپیکرز کوں کشمیریاں تے تھیونڑ آلے مظالم تے خط بھیجیے گئن ۔انہاں آکھیا جو 13¡14اکتوبر کوں اسلام آباد اچ کشمیر دے مسئلے تے بین الاقوامی کانفرنس دا انعقاد کیتا ویندا پئے ۔
