اسلام آباد ۔ 12 اگست (اے پی پی) اسلام آباد تے راولپنڈی سمیت اتلے پنجاب، مالاکنڈ، ہزارہ ڈویژن، فاٹا، گلگت بلتستان تے کشمیر اچ کجھ جہیں تے تکھی ہواتے کھمنڑ نال مینھ وسنڑ دا امکان ہے جڈاں جو ملک دے بئے علاقیاں اچ موسم تتا تے رکھا رہسی ۔پی ٹی وی دی رپورٹ دے مطابق گزریل 4گھنٹے دے دوران جاڑے شہر اسلام آباد تے راولپنڈی دے کجھ علاقیں اچ کتھائیں کتھائیں ہلکا تے کتھائیں کتھائیں تکھا مینھ وسیا موسم خوشگوارتھی گیا ،اتلے تے ادھلے پنجاب ،کے پی کے تے سندھ دے ساحلی علاقیں اچ مینھ وسنڑ نال گرمی اچ گھٹکی تھی گی ۔ساریں توں ودھ مینھ بہاولنگر اچ 37ملی میٹر ریکارڈ کیتی گی جڈاں جو ساریں توں ودھ درجہ حرارت تربت اچ 44ڈگری سینٹی گریڈ ریکارڈ کیتا گیا ۔آندے 24گھنٹے دے دوران اسلام آباد راولپنڈی،گوجرانوالہ، لاہور، بہاولپور، ہزارہ، مالاکنڈ، سوات،ژوب ڈویژن، فاٹا، کشمیر تے گلگت بلتستان اچ کجھ جہیں تے تکھا مینھ کھمنڑ نال وسسی اتے پہاڑی علاقیں اچ ندی نالیں دے وچ طغیانی دا ڈر ہے،ملک دے بئے علاقیں اچ موسم پہلے وانگوں رہسی ۔
