اسلام آباد ۔ 30 اگست (اے پی پی)الیکشن کمیشن اچ رجسٹرڈ 327سیاسی جماعتاں اچوں قومی اسمبلی اچ 16جماعتاں دی نمائندگی موجود ہے ،مسلم لیگ دے ناں توں ساریں توں ودھ جماعتاں رجسٹرڈہن ،الیکشن کمیشن دے ذرائع دے مطابق ایں ویلھے قومی اسمبلی اچ جیرھیاں جماعتاں دی نمائندگی موجود ہے انہاں اچ مسلم لیگ (ن)، پاکستان پیپلز پارٹی، تحریک انصاف، متحدہ قومی موومنٹ، جمعیت علماء اسلام (ف)، عوامی مسلم لیگ، آل پاکستان مسلم لیگ، عوامی نیشنل پارٹی، نیشنل پیپلز پارٹی، نیشنل پارٹی، پختونخوا ملی عوامی پارٹی، قومی وطن پارٹی، مسلم لیگ (ضیائ)، پاکستان مسلم لیگ، جماعت اسلامی، مسلم لیگ فنکشنل شامل ہن ۔ الیکشن کمیشن ولوں سیاسی جماعتاں دے مالی اثاثیں دی تفصیل جمع کراونڑ دی چھیکڑی تاریخ تئیں عوامی مسلم لیگ، اسلامی تحریک پاکستان، اے این پی دیاں دستاویزات کوں مکمل قرار ڈتا گیا ۔ الیکشن کمیشن ڈے اے تفصیل جمع نہ کراونڑ تے کوئی خاص سزا نہ ہوونڑ دی وجہ توں سیاسی جماعتاں اچ سنجیدگی نظر نی امدی ۔الیکشن کمیشن ڈے رجسٹرڈ سیاسی جماعتاں اچ پیپلز پارٹی دے ناں تے 6جماعتاں رجسٹرڈ ہن جڈاں جو 3پی تے 4پی دے نال 5پی دے ناں توں جماعت وی رجسٹرڈ ہے جیں نال پاکستان پیپلز پارٹی پارلیمنٹرین پٹریاٹ دا ناں ڈتا گیا تاں جو ایندا کوئی چیئر مین موجود کائنی ،پاکستان پیپلز پارٹی بلاول بھٹو جڈاں جو پاکستان پیپلز پارٹی پارلیمنٹرین آصف علی زرداری دے ناں توں رجسٹرڈ ہے ۔
