الیکشن کمیشن این اے 162 اتے حلقہ پی پی 7دے ضمنی انتخابات اچ امیدواراں دیاں اپیلاں نبیڑ ڈیونڑ سانگے 4 ججاں کوںٹریبیونل جج دے طور تے تعینات کرڈتا

اسلام آباد ۔ 12 اگست (اے پی پی) الیکشن کمیشن قومی اسمبلی دے حلقہ این اے 162 اتے صوبائی اسمبلی دے حلقہ پی پی 7 اچ تھیونڑ آلے ضمنی انتخابات اچ امیدواراں دیاں اپیلاں نبیڑ ڈیونڑ سانگے لاہور ہائی کورٹ دے 4 ججاں کوںٹریبیونل جج دے طور تے تعینات کرڈتا ہے ۔الیکشن کمیشن ولوں جاری نوٹیفیکیشن دے مطابق اے ٹریبیونل جج ریٹرننگ افسراں ولوں کاغذات نامزدگی منظور یا مسترد کیتے ونجنڑ دے خلاف اپیلاں نبیڑ ڈیسن ۔ جسٹس مشتاق احمد تے جسٹس محمد ساجد محمود سیٹھی کو ںاین اے 162 جڈاں جو جسٹس عاطرمحمود اتے جسٹس صداقت علی خان کو ںپی پی07 سانگے ٹریبیونل جج مقررکیتا گیا ہے ۔