اسلام آباد ۔ 19 اگست (اے پی پی) الیکشن کمیشن ارکان پارلیمان اتے صوبائی اسمبلیاں دے رکناں کوں 30ستمبر تئیں آپنڑیں اثاثے اتے واجبات دے سالانہ گوشوارے جمع کراونڑ دی ہدایت کیتی ہے ۔ الیکشن کمیشن آف پاکستان دے ترجمان ڈسایا جو عوامی نمائندگی ایکٹ 1976ء دی دفعہ 42 اے اتے سینیٹ الیکشنز ایکٹ 1975دی دفعہ 25اے دے تحت ارکان پارلیمان اتے صوبائی اسمبلیاں دے ارکان تے آپنڑیں اثاثیاں اتے واجبات دے سالانہ گوشوارے جمع کراونڑ لازم ہے۔ ارکان دے اثاثیاں اتے واجبات دی تفصیل آفیشل گزٹ اچ چھاپی ویسی ، جیندی کاپی مقررہ فیس ادا کرتے حاصل کیتی ونج سگدی ہے ۔ الیکشن کمیشن ہر سال 15اکتوبر تئیں آپنڑیں اثاثے اتے واجبات دے گوشوارے جمع نہ کراونڑآلے ارکان دے ناں مشتہر کریندے ۔
