لندن ۔ 23 اگست (اے پی پی) امریکا،یورپ اتے ایشیاءوچ سونے دیاں قیمتاںوچ گھٹکی تھی تے ڈو ہفتے دی گھٹ ترین سطح تے رہے جیندی وجہ امریکی فیڈرل ریزرو ولوں قرضیاں تے سود دی شرح وچ ودھارے دے امکانات دی وجہ نال ڈالر دی مستحکم شرح تبادلہ ہے۔نیویارک مارکیٹ وچ تریجھے پہر ویلھے سپاٹ گولڈ دیاں قیمتاں 0.2 فیصد گھٹ تھی تے 1338.01 ڈالر فی اونس رہے جیرھی جو 9اگست دے بعد ایندی گھٹ ترین سطح ہے۔مارکیٹ وچ امریکی سونے دے دسمبرسانگے سودے 2.8 ڈالر (0.21 فیصد )ڈھونڑ دے بعد 1343.4 ڈالر فی اونس تے پج گئے۔لندن مارکیٹ وچ سپاٹ گولڈ دیاں قیمتاں 0.3 فیصد گھٹ تھی تے1336.99 ڈالر فی اونس رہے جڈانجو امریکی سونے دے دسمبر سانگے سودے 4.90 ڈالر گھٹکی دے بعد 1341.30 ڈالر فی اونس رہے۔ایشیائی مارکیٹ وچ سپاٹ گولڈ دیاں قیمتاں 0.6 فیصد گھٹ تھی تے 1332.80 ڈالر فی اونس رہے جڈانجو امریکی سونے دیاں قیمتاں 0.7 فیصد گھٹکی دے بعد 1337.20 ڈالر فی اونس رہیاں۔
