واشنگٹن۔ 4 اگست (اے پی پی)امریکی صدر براک اوباما 214 قیدیاں دی سزا معاف کرڈتی ہے۔ برطانوی نشریاتی ادارے دے مطابق وائٹ ہاوس اپنڑے ہک بیان وچ آکھیااے جو گزریل سوسالاںوچ پہلی واری کہیں صدر ولوں ہک ڈینھ وچ سبھ توں ودھ معاف کیتیاں ونجنڑ آلیاں سزاواں ہن ۔براک اوباما ہنٹ تئیں 562 لوکاں دی سزا معاف کیتی ہے۔ بیان دے مطابق صدر اوبامہ ایہ فیصلہ ایہ ڈیکھ تے کیتا جو منشیات نال منسلک عدم تشدد معاملات وچ پرانڑے اتے ضرورت توں ودھ سخت قنوناں دے تحت سزا ڈتی گئی ہے۔جنہاں لوکاں کوں جیل توںرہا کیتا ویسی انہاں وچ 67 لوک ایجھے ہن جیرھے عمر قید دی سزا کٹیندے پئے ہن ۔اگرچہ سارے قیدیاں کو ںفوری طورتے رہا کائناں کیتا ویسی۔ کجھ قیدیاں دی سزا موجودہ قنون دے مطابق گھٹ کر ڈتی ویسی، جڈانجو بئے لوکاں کوں پہلے نشے توں جان چھڑاونڑ دا پروگرام مکمل کرنڑ پوسی۔اوباما ہک فیس بک پوسٹ وچ لکھیا جو کجھ مہینے پہلے انہاںکوں فلوریڈا دے شرمن چیسٹر ناں دے ہک بندے دا خط ملیا ہا جیندے وچ انھاں لکھیا ہا جو انھاں زندگی وچ کجھ غلط فیصلے کیتے اتے ہنڑ انہاںکوں ہک نشے دے الزام وچ عمر قید دی سزا ملی ہے۔شرمن کوں سزا ڈیندے ہوئیں جج آکھیا جو انہاں کوں یقین کائنی جو قنون دے تحت انہاں کوں ایجھی سزا ڈیونڑ پوندی پئی ہے جیرھی جرم دے مقابلے وچ بہوں ودھ ہے۔اوباما لکھیا جو گزریل 9 صدراں کل ملاتے جتنے لوکاں دی سزا معاف کیتی ہے انھاں ایندے توں ودھ لوکاںں کوں جیونڑ دا ڈوجھا موقع ڈتا ہے، اتے ا وہ ایجھا کم کریندے رہے ہن۔
