واشنگٹن ۔ 25 اگست (اے پی پی)امریکی وزیر خارجہ جان کیری(اج) جمعہ کوں سوئٹزرلینڈ دے شہر جنیوا وچ اپنڑے روسی ہم منصب سرگئی لاروف دے نال ملاقات کریسن۔ ایں ملاقات دے دوران شام اتے یوکرین دے تنازعات تے گالھ مہاڑ کیتی ویسی۔جرمن ذرائع ابلاغ دے مطابق جان کیری افریقی ملک نائیجیریا دے دورے تے ہن ، ایہ گالھ جان کیری دے ہک ترجمان اپنڑے ہک بیان وچ آکھی۔ ڈوہائیں رہنماواں آپس وچ ٹیلیفون تے وی ایں ملاقات دے حوالے نال تبادلہ خیال کیتا۔ واضح رہوے جو امریکا اتے روس گزریل کئی ہفتیاں توں رابطے وچ ہن اتے شام وچ شدت پسند داعش تے قابو کرنڑ سانگے فوجی تعاون دیاں راہواں لبھدے پن۔
