انتخابی وعدے کوں پورا کرنڑ ہک سیاستدان کیتے خوشی دا ویلھہ ہوندے ، سائرہ افضل تارڑ

اسلام آباد ۔ 18 اگست (اے پی پی) وزیر اعظم نیشنل ہیلتھ پروگرام صحت دے شعبے اچ ہک انقلابی پروگرام ہے جیندے نال گھٹ آمدن آلے اتے مستحق افراد پروگرام دے پینل تے موجود نجی ہسپتال توں آپنڑاں بہترین علاج کروا سگدے ہن ۔ اسلام آباد ، کوئٹہ، مظفرآباد اتے کوٹلی اچ اے پروگرام کامیابی نال جاری ہے ۔ پرائم منسٹر نیشنل ہیلتھ پروگرام دے تحت انہاں چارضلعیاں اچ ہک لکھ 80 ہزار مستحق ٹبراں دی رجسٹریشن تھی گئی ہے ۔ ہنڑ اے لوک آپنڑیں علاج سانگے در در تے کائناں ویسن ۔ سرکاری ذرائع دے مطابق تعلیم اتے صحت دیاں بنیادی سہولتاں ڈیونڑ موجودہ حکومت دی پہلی ترجیح ہے ۔ ایں سکیم دے ذریعے 29 بندے جیہڑے دل دے مریض ہن دی اوپن ہارٹ بائی پاس سرجری کروائی گئی ، 4500 مریضاں مفت علاج دیاں سہولتاں توں فیدہ چاتا۔ 68 بندیاں دی انجیوگرافی اتے 49 بندیاں دی انجیوپلاسٹی کیتی گئی اتے 82 مستحق بندیاں کوں کینسر دے موذی مرض دے علاج دی سہولت ڈتی گئی ۔ انہاںآکھیا جو پاکستان دے مستحق اتے غریب مریض ایں پروگرام تے عمل درآمد اتے صحت دی پالیسی توں بہوں خوش اتے مطمئن ہن ۔