اسلام آباد ۔ 3 اگست (اے پی پی )وزیر مملکت پانڑیں تے بجلی عابد شیر علی آکھیا ہے جو انصاف دے عالمی اداریں کوں مقبوضہ کشمیر اچ بھارتی ریاستی دہشت گردی نظر نی امدی پی، پاکستان بھارتی ظلم دے شکار نہتے کشمیریاں دی ہر فورم تے حمایت جاری رکھیسے ،سندھ حکومت رینجرز کوں پورے صوبے اچ اپریشن دے اختیارات ڈیونڑے چاہیدے ہن ،سینیٹر اعتزاز احسن دے ایجنڈے دا کوئی علم کائنی ۔بدھ کوں پارلیمنٹ ہائوس دے باہروں میڈیا نال گالھ مہاڑ کریندے ہوئیں انہاںآکھیا جو پاکستان کشمیر دے مسلے دے حل تئیں اپنڑے اصولی موقف توں پچھی تے نہ ہٹسی اتے کشمیریاں دا اخلاقی سفارتی حمایت ہر فورم تے جاری رکھیسی ۔عالمی انصاف دے ٹھیکیداراں کوں ڈوجھے ملکاں اچ دہشت گردی نظر امدی ہے لیکن انہاں کوں مقبوضہ کشمیر اچ نہتے کشمیریاں تے ریاستی دہشت گردی کیوں نظر نی امدی اے یورپی ملکاں دا دوہرا معیار ہے ،انہاں آکھیا جو افسوس دی گالھ اے ہے جو عالمی انسانی حقوق دیاں تنظیماں وی مقبوضہ کشمیر اچ ریاستی دہشت گردی تے خاموش ہن،انہاں کوں ایں حوالے نال اپنڑاں کردار ادا کریندے ہوئیں بھارت کوں ریاستی دہشت گردے خاتمے سانگے اپنڑاں کردار ادا کرنڑاں چاہیدے ۔
