برمنگھم ۔ یکم اگست (اے پی پی ) انگلینڈ اتے پاکستان دیاں کرکٹ ٹیماں وچال چار ٹیسٹ میچاں تے مشتمل سیریز دا تریجھا میچ بدھ توں برمنگھم وچ شروع تھیسی۔ ڈوہائیں ٹیماں وچال جاری سیریز 1-1 توں برابر ہے۔ پاکستان ٹیم میزبان ٹیم کوں پہلے ٹیسٹ میچ وچ75 سکوراں نال شکست ڈتی جڈانجو انگلینڈ ٹیم ڈوجھے ٹیسٹ وچ کم بیک کریندے ہوئیں پاکستان کوں 330 سکوراں نال ہرا تے سیریز 1-1 توں برابر کر ڈتی ہائی ۔ ڈوہائیں ٹیماں وچال سیریز داچوتھا اتے چھیکڑی کرکٹ ٹیسٹ میچ 11 اگست کوں اوول وچ کھیڈیاویسی۔ ٹیسٹ میچاں دی سیریز دے بعد ڈوہائیں ٹیماں وچال پنج ون ڈے میچاں دی سیریز دا پہلا میچ 24 اگست کو ںسائوتھمپٹن وچ کھیڈیا ویسی، ڈوجھا ون ڈے میچ 27 اگست کوں لارڈز وچ کھیڈیاویسی، تریجھا ون ڈے میچ 30 اگست کوں نوٹنگھم وچ کھیڈیاویسی، چوتھا ون ڈے میچ 01ستمبر کوں ہیڈ نگلے وچ کھیڈیا ویسی اتے پنجواں تے چھیکڑی ون ڈے میچ 4 ستمبر کو ںکارڈف وچ کھیڈیا ویسی۔ سیریزوچ ہک ٹی ٹونٹی میچ7 ستمبر کوں مانچسٹر وچ کھیڈیا ویسی۔ قومی کرکٹ ٹیم دورے دے دوران آئرلینڈ دے خلاف وی ڈو ون ڈے میچ کھیڈسی، پہلا ون ڈے میچ 18 اگست کوں کھیڈیا ویسی ۔ آئرلینڈ دے خلاف ڈبلن وچ ای ڈوجھا ون ڈے میچ 20 اگست کوں کھیڈیا ویسی۔
