دبئی ۔ 11 اگست (اے پی پی) ایمرٹس ایئرلائن ولوں 3اگست دے حادثے دے متاثرہ لوکاں کوں 7ہزار ڈالر معاوضہ ڈیونڑ دا فیصلہ کیتا ہے ۔عرب خبر رساں ادارے دے مطابق اجوکے مہینے دی3تریخ کوں دبئی ائیر پورٹ تے ایمرٹس ایئر لائن دا طیارہ حادثے دا شکار تھی گیاہا ۔حادثے اچ طیارہ پورے طور تے تباہ تھی گیا تاں ایندے اچ موجود 300توں ودھ مسافراں کوں معجزاتی طور تے بچا گھدا گیا ۔ایں دوران کجھ مسافر زخمی تھی گے ہن جڈاں جو ہک فائر فائٹر ریسکیو کاروائیاں دے دوران جاں بحق تھی گیا ہا ۔کمپنی ایں حادثے دے متاثرہ سارے مسافراں کوں 7ہزار ڈالر دا معاوضہ ادا کرنڑ دا فیصلہ کیتا ہے ۔
