بری فوج دے سربراہ جنرل راحیل شریف دی ملائیشیا دی فوجی قیادت نال ملاقاتاں

راولپنڈی ۔ 17 اگست (اے پی پی) بری فوج دے سربراہ جنرل راحیل شریف دی ملائیشیا دی فوجی قیادت نال ملاقاتاں کیتیاں جئیں اچ فوجی تعلقات،سانجھی فوجی تربیت اتے دفاعی تعاون سمیت بئے آپسی دلچسپی دے معاملیاں تے گالھ مہاڑ کیتی گئی ۔پاک فوج دے شعبہ تعلقات عامہ(آئی ایس پی آر ) دے مطابق آرمی چیف جنرل راحیل شریف سرکاری دورے تے ملائیشیا پجیے تاں انہاں کوں ملائیشیا دے ہیڈ کوارٹر اچ فوج دے ہک چاق و چابند دستے گارڈ آف آنر پیش کیتا۔آرمی چیف جنرل راحیل شریف ‘ چیف آف ڈیفنس فورسز ملائیشیا ٹین سری داتو سری حاجی ذولکفل بن محمد سین اتے ملائیشیا دے چیف آف آرمی سٹاف جنرل ٹین سری راجہ محمد آفندی بن راجہ محمد نور نال انج انج ملاقات کیتی۔ملائیشیا دے آرمی چیف ،جنرل راحیل شریف نال آپنڑی فوج دے کمانڈراں داتعارف کروایا اتے ملائیشیا دی فوج دے آپریشنل معاملے اتے تربیت بارے انہاں کوں بریفنگ ڈتی۔ملائیشیا دی فوجی قیادت علاقائی امن تے استحکام سانگے دہشت گردی دے خلاف جنگ اچ پاکستانی فوجیاں دے کردار کوں سراہیا۔ایں موقع تے جنرل راحیل شریف آکھیا جو ملائیشیا اتے پاکستان علاقائی سلامتی اتے دہشت گردی روکنڑ سانگے کوشاں اے،ڈوہاں ملکاں دی فوجی قیادت دفاع بارے مختلف شعبیاں اچ طویل المدتی تعاون تے دستخط کیتے۔