اسلام آباد ۔ 5 اگست (اے پی پی) وفاقی وزیر بین الصوبائی رابطہ ریاض حسین پیرزادہ آکھے جو بھارت دا اقوام متحدہ اتے سیکیورٹی کونسل اچ مسئلہ کشمیر بارے رویہ وی ایویں ہوندے جیویں بھارتی وزیرداخلہ گزریل دینھ کیتے ۔ جمعے کوں پارلیمنٹ ہائوس دے باہر میڈیا نال گالھ مہاڑ کریندے ہوئیں انہاں آکھیا جو عالمی برادری دہشت گردی بارے گالھ تاں ضرور کریندی ہے جڈانجو جیکر مقبوضہ کشمیر اچ مسلمان بھارتی ریاستی دہشت گردی توں شہید تھیندے پئے ہن تاں عالمی برادری کوں نظر نہیں آندا۔ ہک سوال دے جواب اچ انہاںآکھیا جو بھارت دے مسئلہ کشمیر بارے اقوام متحدہ اتے سیکیورٹی کونسل اچ وی رویہ ایں طرح ہوندے جیویں گزریل ڈینھ بھارتی وزیرداخلہ دا ہئی جو سارک کانفرنس چھوڑ تے ٹُر گئے ۔انہاں کوں حقیقت دا سامنڑاں کرنڑاں چاہیدے ۔
