اسلام آباد ۔ 24 اگست (اے پی پی) پاکستان وچ تجارت دے ترقیاتی ادارے (ٹی ڈی اے پی) فرینکفرٹ جرمنی وچ منعقد تھیونڑ آلی پنچ ڈینھاں دی عالمی تجارتی نمائش ” آئی ایس ایچ فرینکفرٹ “ وچ شرکت سانگے 7 ستمبر 2016 ءتئیں درخواستاںطلب کیتیاں ہن۔ ٹی ڈی اے پی دی جاری کردہ تفصیلات دے مطابق عالمی تجارتی میلے وچ سینٹری، سرامکس، پائیپس، فٹنگز، بوائلر، بلڈنگز، انرجی، ائیر کنڈیشنگ، سولر انرجی اتے فرنیچر سمیت بئیاں مختلف مصنوعات تیار تے برآمد کرنڑ آلے ادارے شرکت دے نال اپنڑیاں مصنوعات دی نمائش اتے عالمی خریداراں نال کاروباری معاملات طے کر سگسن۔ واضح رہوے جو عالمی تجارتی میلے دا آغاز 14 مارچ 2017 ءکوں تھیسی جیرھی پنچ ڈینھ جاری رہونڑ دے 18 مارچ 2017 ءکوں مکسی، ایں حوالے نال تفصیلات اتھارٹی دی ویب سائٹ توں وی حاصل کیتیاں ونج جا سگدیاں ہن۔
