ترائے سال دے دوران بینکاں اتے ترقیاتی مالیاتی اداریاں ولوں بنیادی ڈھانچے دے شعبے سانگے نجی اداریاں کوں فراہم کیتے گئے قرضیاں دے حجم وچ ڈو دوگنا ودھارا

اسلام آباد ۔ 4 اگست (اے پی پی) گزریل ترائے سال دے دوران بینکاں اتے ترقیاتی مالیاتی اداریاں ولوں بنیادی ڈھانچے دے شعبے سانگے نجی اداریاں کوں فراہم کیتے گئے قرضیاں دے حجم وچ ڈوگنا ودھارا تھیا ہے۔ سٹیٹ بینک آف پاکستان دے اعدادوشمار مطابق جاری سال دے پہلے چھی مہیناں دی چھیکڑ تئیں بینکاں اتے ترقیاتی مالیاتی اداریاں ولوں بنیادی ڈھانچے دے منصوبہ جات سانگے نجی شعبے کوںفراہم کیتے گئے قرضیان دا واجب الادا حجم 444 ارب روپے تئیں ودھ گیا ہے جڈانجو سال 2013 ءدے ایں عرصے دے دوران نجی شعبے کوںبنیادی ڈھانچے سانگے ڈتے گئے قرضیاں دا حجم 225 ارب روپے ہائی۔ رپورٹ دے مطابق سال 2015 ءدی چھیکڑ ی سہ ماہی مکنڑ تے قرضیاں داحجم 368 ارب روپے ریکارڈ کیتا گیا ہا۔ ایں طرح صرف ترائے سال دے تھوڑے عرصے دے دوران بینکاں اتے ترقیاتی مالیاتی اداریاں ولوں بنیادی ڈھانچے دے منصوبیاں سانگے نجی شعبے کوں فراہم کردہ قرضیاں دی شرح وچ ڈوگنا ودھاراریکارڈ کیتا گیا ہے۔