توانائی بحران مکاونڑ سانگے جامع حکمت عملی دے نال اقدامات دا سلسلہ جاری ،چنگی حکمت عملی تے کامیاب پالیسیاں نال لوڈشیڈنگ دا دورانیہ گھٹ تھی گے ،پیداوار اچ چنگاں ودھارا ،2018تئیں 10ہزار چار سو میگاواٹ دے منصوبے پورے تھی ویسن

اسلام آباد ۔ 25 اگست (اے پی پی) ملک اچ توانائی بحران مکاونڑ سانگے جامع حکمت عملی دے نال اقدامات دا سلسلہ جاری ہے ۔ایں سلسلے اچ مختلف ،گھٹ ،درمیانے تے لمبی مدت دے منصوبیں تے عمل کیتا ویندا پے ،پکی انتظامی حکمت عملی تے کامیاب پالیسیاں دی وجہ توں نہ صرف بجلی دا لوڈشیڈنگ دا دورانیہ گھٹ تھی گیا بلکہ بجلی دی پیداوار اچ چنگاں ودھارا ڈیکھنڑ اچ آیا ہے ،حکومتی اقدامات پاروں 2018تئیں 10ہزار 4سو میگا واٹ بجلی دے منصوبے پورے کیتے ویسن ۔خمیس کوں وزارت منصوبہ بندی تے ترقیات دے حکام اے پی پی کوں ڈسایا جو وزیراعظم نواز شریف خود توانائی متعلق کابینہ کمیٹی دے اجلاساں دی باقاعدگی نال صدارت کریندے ہن تے توانائی دے منصوبیں بارے معلومات گھندے ہن ۔