اسلام آباد ۔ 23 اگست (اے پی پی) جاری مالی سال2016-17 ءدے پہلے مہینے جولائی دے دوران ٹیکسٹائلز اتے کپڑے دیاں ملکی برآمدات وچ تقریباً 4 فیصد دی گھٹکی تھئی ہے۔ ادارہ برائے شماریات پاکستان دے اعدادوشمار مطابق جولائی 2016ءدے دوران ٹیکسٹائلز اتے کپڑے دیاں ملکی برآمدات دا حجم 982.6 ملین ڈالر تئیں گھٹ تھی گیا جڈانجو گزریل مالی سال دے ایں عرصے دے دوران برآمدات نال 1.02 ارب ڈالر دا زرمبادلہ کمایا گیا ہا۔ رپورٹ دے مطابق جولائی دے دوران تیار ملبوسات دی برآمدات وچ 0.03 فیصد اتے نیٹ وئیرز دیاں برآمدات وچ 5 فیصد دی گھٹکی تھئی ہے ایں طرح جولائی 2015ءدے مقابلے وچ جولائی 2016 ءدے دوران ٹیکسٹائلز اتے کپڑے دیاں ملکی برآمدات وچ مجموعی طور تے چار فیصد گھٹکی ریکارڈ کیتی گئی ہے۔
