اسلام آباد ۔ 24 اگست (اے پی پی) جاری مالی سال 2016-17 ءدے ابتدائی مہینے جولائی دے دوران مشینری گروپ دی ملکی درآمدات وچ37.50 فیصد دا ودھارا تھیا ہے جیندی بنیادی وجہ بجلی پیدا کرنڑ آلی مشینری دی درآمدات وچ ہونڑ آلا نمایاں ودھاراہے۔ ادارہ برائے شماریات پاکستان ( پی بی ایس) دے اعدادوشمار دے مطابق جولائی 2016 ءدے دوران 739.078 ملین ڈالر دی مشینری درآمد کیتی گئی ہے جڈانجوگزریل مالی سال وچ جولائی 2015 ءدے دوران مشینری دی ملکی درآمدات دا حجم 537.509 ملین ڈالر ریکارڈ کیتا گیا ہا۔ رپورٹ دے مطابق جاری مالی سال دے دوران بجلی پیدا کرنڑ آلی مشینری دی درآمدات وچ 74.04 فیصد دا نمایاں ودھارا تھیا ہے اتے جاری مالی سال دے پہلے مہینے جولائی وچ 163 ملین ڈالر دی بجلی پیدا کرنڑ آلی مشینری درآمد کیتی گئی ہے جڈانجو جولائی 2015 ءدے دوران بجلی پیدا کرنڑ آلی مشینری دی ملکی درآمدات دا حجم 93 ملین ڈالر ریکارڈ کیتا گیا ہا۔ پی بی ایس دی رپورٹ مطابق جاری مالی سال وچ دفتری مشینری دی قومی درآمدات وچ 118 فیصد اتے ٹیکسٹائل دے شعبہ دیاں مشیناں دیاں درآمد وچ وی 28.8 فیصد دا ودھارا تھیا ہے۔ بجلی پیدا کرنڑآلی مشینری دی ملکی درآمدات وچ ودھارے نال توانائی بحران کوں مکاونڑ وچ مدد ملسی۔
