واشنگٹن ۔ 25 اگست (اے پی پی) امریکی وزیر خارجہ جان کیری 29 توں 31 اگست کوں بنگلہ دیش اتے بھارت دا دورہ کریسن۔ ایں گالھ دا اعلان امریکی محکمہ خارجہ دے دفتر دی سربراہ، الزبیتھ ٹروڈو ہک اخباری بیان وچ کیتا ہے۔بیان وچ آکھیا گئے جو جان کیری دے ڈھاکہ دے دورے نال امریکا اتے بنگلہ دیش دے لمبے اتے چنگے تعلقات دی نشاندہی تھیسی ۔ڈھاکہ وچ امریکی وزیر خارجہ سرکاری عہدے داراں نال ملاقات کریسن، جیں دوران عالمی امور تے ودھدے ہوئے تعاون تے وی گالھ مہاڑ تھیسی۔ دورے دے دوران ”جمہوریت، ترقی، سلامتی اتے انسانی حقوق دے میدان وچ اساڈی پرانڑیں سانجھ داری کوں پکا کرنڑتے دھیان ڈتا ویسی“۔نئی دہلی وچ اپنڑے ترائے ڈینھ دے قیام دے دوران، جان کیری بھارت دے اعلیٰ عہدے داراں نال ملاقاتاں کریسن۔ 30 اگست کوں جان کیری امریکی وزیر کاروبار پینی پرزکر دے کٹھے، امریکہ بھارت بئے اسٹریٹجک اتے تجارتی مکالمے دے شریک صدراتی فرائض انجام ڈیسن۔ترجمان آکھیا ے جو کیری اتے پرزکر بھارتی ہم منصباں، وزیر برائے باہرلے امور سوشما سوارج اتے کاروبار اتے صنعت دی ریاستی وزیر نرملا شتھارامن دے علاوہ امریکی وفد دے ارکان اپنڑے بھارتی ہم منصباں نال ملاقات کریسن۔
