جوہری معاہدے نال ایران تے کوئی فرق نی پیا ،آیت اللہ علی خامنہ ای

تہران۔ 2 اگست (اے پی پی) ایران دے سپریم لیڈر آیت اللہ علی خامنہ ای آکھیا ہے جو ایران تے عالمی برادری وچال جوہری معاہدے نال ایران تے کوئی فرق نی پیا ۔جرمن ذرائع ابلاغ دے مطابق دارالحکومت تہران اچ گالھ مہاڑ کریندے ہوئیں انہاں آکھیا جو اے معاہدہ ایں سانگے کیتا گیا ہا ایران توں پابندیاں ہٹایاں ویسن تاں جو ایجھا کجھ وی نی تھیا ۔ سپریم لیڈر آکھیا جو معاہدے دے عملد در آمد تے اتنا وقت گزر ونجنڑ دے بعد وی ایندے ممکنہ ثمرات واضح نہ تھی سگسن۔واضح رہے جو گزریل سال 14جولائی کوں ایران تے عالمی طاقتاں ایں معاہدے کوں چھیکڑی شکل ڈے ڈتی۔