لاہور۔23 اگست(اے پی پی )وزیراعلیٰ پنجاب محمد شہبازشریف دی صدارت اچ اج اتھاں اجلاس تھیا جئیں اچ پیونڑ دے صاف پانڑی دے پروگرام دا جائزہ گھدا گئیا۔اجلاس اچ خادم پنجاب صاف پانڑی پروگرام،جنوبی اتے شمالی پنجاب سانگے انج کمپنیاں بنڑاونڑ دا فیصلہ کیتا گئے ۔وزیر اعلیٰ شہباز شریف اجلاس نال خطاب کریندیں ہوئیں آکھیا جو انج کمپنیاں دے بنڑنڑ نال پروگرام تے تکھے کم تھیسی اتے وسائل دا ویلھے تے استعمال یقینی بنڑایا ونج سگسی۔انہاں آکھیا جو پیونڑ دے صاف پانڑی دا منصوبہ صحت مند زندگی سانگے بنیادی اہمیت رکھیندے ،ایں پروگرام دے تحت ارباں روپے نال شہریاں کوں صاف پانڑی ڈتا ویسی ۔
