خیبرپختونخوا، اتلے پنجاب، اسلام آباد، فاٹا اتے کشمیر وچ کتھائیں کتھائیں کھمنڑ دے نال مینھ وسنڑ دا امکان

اسلام آباد ۔ یکم اگست (اے پی پی) محکمہ موسمیات دے مطابق آندے 48گھنٹے دے دوران خیبرپختونخوا، اتلا پنجاب، اسلام آباد، فاٹا اتے کشمیر اچ کتھائیں کتھائیں جڈانجو ژوب، بہاولپور، میرپورخاص ڈویژن وچ کجھ جاہیں تے تکھی ہوا اتے کھمنڑ دے نال مینھ وسنڑ دا امکان ہے جڈانجو ایں دوران کجھ جہیں تے ودھ سارا مینھ وسنڑ دا وی امکان ہے اتے سندھ تے مکران دے ساحلی علاقیاں وچ وی کنڑ منڑ دی توقع ہے۔رپورٹ دے مطابق ملک دے بئے علاقیاں وچ موسم گرم اتے رکھاراہسی۔ محکمہ موسمیات دے مطابق گزریل 24 گھنٹے دے دوران ملک دے ڈھگ سارے علاقیاں وچ موسم گرم اتے مرطوب رہیا۔ تاں جو گوجرانوالہ، فیصل آباد، مالاکنڈ، ہزارہ، اتے فاٹا وچ کجھ جہیں تے کھمنڑ دے نال مینھ وسیا۔سبھ توں ودھ مینھ منڈی بہاوالدین وچ12ملی میٹر، ٹوبہ ٹیک سنگھ 8، گوجرانوالہ 3، فیصل آباد، جھنگ ہک، دیر5، بالاکوٹ2، کالام ہک اتے پاراچنار وچ 5 ملی میٹر مینھ ریکارڈ کیتا گئے۔