دہشتگرد جمہوریت دے ستونیں تے حملے کریندے پن ، دہشتگرداں دے خلاف پوری قوم دا عزم غیر متزلزل ہے، دہشتگردی دے خاتمے سانگے اپریشن ضرب عضب تے قومی ایکشن پلان ناقابل واپسی ہے،وزیراعظم محمد نواز شریف دی عوامی نیشنل پارٹی دے رکن قومی اسمبلی حاجی غلام احمد بلور نال ملاقات اچ گالھ مہاڑ

اسلام آباد ۔ 9 اگست (اے پی پی) وزیراعظم محمد نوازشریف آکھیا دہشتگرد جمہوریت دے ستونیں تے حملے کر یندے پن تاں جو دہشت گرداں دے خلاف پوری قوم دا عزم غیر متزلزل ہے۔ منگل کو ںاتھاں وزیراعظم ہاﺅس اچ عوامی نیشنل پارٹی دے رکن قومی اسمبلی حاجی غلام احمد بلور نال ملاقات اچ گالھ مہاڑ کریندے ہوئیں وزیراعظم محمد نواز شریف آکھیا جو کوئٹہ اچ دہشت گرداں دے حملے توں ایں گالھ سامنڑے امدی ہے جو او ایں ادارے نال نفرت کریندے ہن جیرھا جو اساڈی سیاست دا لازمی جز ہے ۔وزیراعظم آکھیا جو اپنڑے نہ مننڑ آلے نظریے نال اساڈی ریاست تے سماج کوں نشانہ بنڑاونڑاں چاہندے ہن تاں جو دہشت گرداں کوں پتہ ہوونڑاں چاہیدا ہے جو او بطور ریاست تے بطور حکومت دہشت گردی دے خاتمے سانگے اپریشن ضرب عضب تے قومی ایکشن پلان نا قابل واپسی ہے ،وزیراعظم آکھیا جو پاکستان مضبوط ،اقتصادی طورتے فعال اتے سیاسی طور تے مستحکم ملک دے طور تے اگی تے ودھدا پئے ۔ ملاقات اچ قومی اہمیت دے امور تے سیاسی صورتحال تے گالھ مہاڑ کیتی گی ۔