اسلام آباد ۔ 17 اگست (اے پی پی) سپیکر قومی اسمبلی سر دار ایاز صادق آکھے جو معاملات کوں جنگ دے ذریعے حل کرنڑااے یا مذکرات دے ذریعے حل کرنڑااے ایں گالھ دا انحصار اراکین پارلیمنٹ تے اے، انھاںسارک ملکاں وچال پارلیمانی وفود دے تبادلیاں اچ عورتاں کوں سیاست اچ جائز نمائندگی ڈیونڑ دی ضرورت تے زور ڈتا۔ انھاں خیالاںدا اظہار پاکستان انسٹیٹوٹ آف پارلیمنٹری سر وسز اچ تھیونڑ آلے پہلی ڈوں ڈینھ دی سارک ینگ پارلیمانی کانفرنس 2016ء دی اخیری تقریب نال خطاب کریندے ہوئے کیتا۔ سر دار ایاز صادق کانفرنس دے مندوبین کو ں ڈسایا جو پاکستان دہشت گردی دا سب توں وڈا شکار رہیا اے اتے سخت جدوجہد اتے کوششاں دے بعد ایں لعنت تے قابو پاونڑ اچ کامیاب تھیا اے۔
