ذوالحج داچندرڈیکھنڑ سانگے مرکزی رویت ہلال کمیٹی دا اجلاس2ستمبر کوں کراچی اچ سڈ گھدا گیا

اسلام آباد ۔ 26 اگست (اے پی پی) ذوالحج دا چندر ڈیکھنڑ سانگے مرکزی رویت ہلال کمیٹی دا اجلاس 2ستمبر کوں کراچی اچ سڈ گھدا گیا ۔اجلاس دی صدارت مرکز ی رویت ہلال کمیٹی دے چیئر مین مفتی منیب الرحمن کریسن جڈاں جوزونل اتے ضلعی کمیٹیاں دے اجلاس اپنڑے اپنڑے متعلقہ جہیں تے تھیسن ۔وزارت مذہبی امور دے مطابق مرکزی رویت ہلال کمیٹی دا اجلاس محکمہ موسمیات دی عمارت اچ تھیسی ۔وفاقی دار الحکومت دی ہلال کمیٹی دا اجلاس وزارت مذہبی امور اچ تھیسی ۔رویت ہلال کمیٹی دا فیصلہ پورے ملک توں ملنڑ آلیاں شہادتاں کوں سامنڑے رکھیندے ہوئیں مرکزی رویت ہلال کمیٹی دے چیئر مین مفتی منیب الرحمن کریسن ۔